منتديات القناص الجزائري
اهلا وسهلا بك زائرنا الكريم، إذا كانت هذه زيارتك الأولى للمنتدى،
فيرجى الضغط على زر التسجيل،أما اذا كنت مسجل فضغط على زر الدخول ،وشكرا لاختيارك منتديات القناص الجزائري


إصرار على روعة الإصدار
 
الرئيسيةاليوميةس .و .جبحـثالتسجيلدخول

شاطر | 
 

 حلويات الافراح صابلي راقي ومتنوع +حلوى التمر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نجمة السماء
المشرف العام
المشرف العام


الاوسمة :
الهواية :
العمل :
الدولة : قطر
المزاج :
انثى
عدد الرسائل : 5607
العمر : 39
تاريخ التسجيل : 28/02/2012

مُساهمةموضوع: حلويات الافراح صابلي راقي ومتنوع +حلوى التمر   الثلاثاء سبتمبر 10, 2013 11:16 pm

 

كنت شفت هاد الشكل ديال حلوة التمر فالنت وعجباتني وطبقتها فهاد اليومين مع شكيلات جميلة من حلويات صابلي لي تنتمنى انها تعجبكم وتنال استحسانكم
مقادير وطريقة حلوة التمر
رابعة الزبدة -- كاس صغير سكر كلاصي -- قبصة ملح -- بيضة -- كاس صغير ماء الزهر -- الدقيق حسب الحاجة
العجين يكون لين ورطب -- نخليكم مع الصور
بالنسبة للحشوة -- التمر مفور -- قليل من اللوز مصلوق ومقلي ومطحون -- القرفة - ماء الزهر شوية العسل وممكن اضافة شوية الزبدة

وهادو شكيلات من صابلي حتى هما درتهم نتمنى يعجبوكم واستسمح لاني محطيتش الطريقة بصراحة مكانش عندي الوقت للتصوير

بالصحة والراحة نتمنى يعجبوكم وبالمناسبة تنشكر كل اخت تتقدم اي معلومة صغيرة او كبيرة نستافدو منها جميع ونقدرو نبدعو ونتفننو فجميع المجالات

مقادير صابلي المعتمدة عندي
رابعة الزبدة + جوج كيسان سكر او اقل حسب الحلاوة لي تتبغو + قبيصة ملح نمزجوهم مزياااااااااااااااااان وتكون الزبدة خرجناها من الثلاجة قبل بساعااات باش ترخف ونمزجوهم حتى تولي الزبدة بحال الكريمة ثم نضيف جوج بيضات كاملين وصفار بيضة ونخلطو مزيان ونضيف النسمة لي بغينا ثم نضيف جوج معالق كبار مايزينة - النشا - و نضيف الدقيق والقلييييييييييل جدا من الخميرة ديال الحلوى - راس معيلقة صغيرة -- ونمزجو كلشي حتى يولي عندنا عجين رطب ميكونش قاصح بالدقيق واهم حاجة اننا ندروها فبلاستيكة وندخلها لثلاجة ترتاح على الاقل ثلاث ساعات
بالنسبة لهاد الاشكال عجنتهم فالصباح ودرت لكل شكل عجين ديالو ودرتو فبلاستيكة ودخلتهم للثلاجة يرتاحو حتى لمور الغدا عاد بديت نخدم شكل بشكل وهكدا نضمت وقتي وطيبتهم والغد ليه عاد زينتهم على خاطري -- نتمنى الفكرة تكون وصلات ههه --
بالنسبة للمنسمات لي درت باش يجي الطعم مختلف --- داك الشكل المربع نسمتو بالنسكافي ولصقت المربع الصغير فوق المربع الكبير بالنستلي كراميل وزينت الجوانب بالبيسطاج ودرت وريدات بعجين السكر-- ممكن نزينو الجوانب ديال المربع حتى باللوز او كوكاو مقلي ومهرمش
الشكل المثلث -- نسمتو بالنستلي +واحد النوع اخر من القهوة ولصقت كل جوج بالكنفتير والجوانب دوزتهم فاللوز وزوقتو بطريقة الرخامة -- شكلاط اسود منين نشف شوية درت خطوط من الشكلاط الابيض ودرت طريقة الرخامة
بالنسبة للشكل الاول - قطعتو بطابع مشنف وشكل بيضوي نسمتو بفلان ديال كريم كراميل وحتى داك الكراميل لي تيكون معاه ولصقت كل جوج بنستلي وكذلك وجه الحلوى ودردرت عليه اللوز مصلوق ومقلي ومهرمش وزينتو بخطوط من الشكلاط الابيض
بالنسبة للشكل ديال الهلال --سرحت العجين بالمدلك عادي ثم بالمدلك المزين وقطعت هلالات ولصقتهم بالشكلاط مع بسكوي مطحون ومغربل ودهنت وجه الحلوى بالنباج وزينت بورود عجينة السكر -- ديال الاخت المرضية فالجنة لي بهاد المناسبة تنشكرها عليها بزاااااااااف ولي بغات الرابط ديال عجينة السكر نحطو ليها
بالنسبة لحلوى لي بشكلاط دوائر -- خديت الشكل من عند الاخت ستيليست الله يجازيها بخير وانا ضفت للمقادير بسكوي مطحون وفلان ديال الشكلاط
بالنسبة للشكل الدائري لي بالشكلاط -- نسمت العجين بشوية اللوز مطحون وشوية الكوك مطحون والقرفة وقطعت العجين دوائر ولصقتهم بالكنفتير وزينت وجه الحلوى بالشكلاط والجوانب بالكوك وزينت بورود من عجين السكر
بالنسبة لكويراث الثلج فهي غنية عن التعريف - حلوة بسيطة ولكن رااااااائعة -- انا تنديرها بالزيت ماشي الزبدة ونسمتها بقشور الليمون وتندير فيها خمارة واربع بيضات وكاس ونصف سكر والدقيق وتكون العجين مرخوووفة ومنين طابت درتها فمربى المشمش وعصير الليمون وكدلك ماء الزهر تيجي المذاق هااااااااائل ورطبة
واخيرا الشكل العادي ديال صابلي الدائري والمثقوب بالكنفتير احمر نسمتو بالحامض
نتمنى نكون شرحت ووفيت ولي مفهمش شي حاجة انا رهن الاشارة -- والله يجعلها فالميزان المقبول
بالنسبة لبلاطو الاخير -- هداك صابلي ديال وحدة ونصف راه الاخت ريم واخوات كثار حطين الطريقة غير التزيين يختلف
والمثلث زينتو بورود عجين السكر



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
 
حلويات الافراح صابلي راقي ومتنوع +حلوى التمر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القناص الجزائري :: وااااحـــــــــــــــــة حــــــــــواء :: مطــــبخ حــــــواء-
انتقل الى: