سلطة الزبادي بالخيار

 

من اجمل المقبلات و اخفها الي ممكن تعمليها و تليق على اي اصناف مجهزاها

 المقادير ..

... علبتين زبادي .. ولو عاملة دايت يبقي الزبادي خالى الدسم

 خيارتين مغسولين و مقطعين مكعبات صغيره

 ملح + فلفل خفيف

 في ناس بتحط فصين توم مفرومين فرم ناعم جدا .. على حسب ذوقك انتي

 عصير لمونه واحدة

 نعناع ناشف مفروم او مفروك كويس عشان يترش على السلطة

الطريقة ..

هتجيبي الطبق و تحطي الزبادي و عليهم الخيار المقطع و اللمون و الملح و الفلفل و الثوم و تقلبيهم كويس جدا و زينيهم في الاخر بورقة نعناع

ملحوظة : في ناس بتحب تحط مايزنيز مع السلطة ,, وناس بتحب تحط ريحان بودرة .. على حسب ذوقك واختيارتك جربي و شوفى هترتاحي مع اي طعم اكتر

وبالهنا و الشفا